«Քարոզարշավը պաշտոնապես դեռ չի մեկնարկել, բայց գրեթե բոլոր կուսակցությունները դրա նախապատրաստական փուլում են, իսկ որոշներն արդեն քարոզարշավի մեջ են»,- գրում է «Երկիր»-ը և հավելում.
«Մեր տեղեկություններով` լուրջ պատրաստություն են տեսնում իշխող Հանրապետականում: ՀՀԿ խորհրդի անդամները վերջին շրջանում հաճախակի են դարձրել իրենց այցերը կուսակցություն, պատճառը նախընտրական ծրագրի վրա աշխատելը չէ, հանրապետականները կուսակցությունում «ֆոտոսեսիայի» են: Նրանք լուսանկարվում են Աշոտ Նավասարդյանի, Վազգեն Սարգսյանի, Անդրանիկ Մարգարյանի և հանրապետության նախագահ Սերժ Սարգսյանի լուսանկարների ֆոնին: Հավանաբար ՀՀԿ-ի քարոզարշավի բուկլետների, թռուցիկների ու պաստառների առաջին նմուշները կտեսնենք մոտ ապագայում…
Ի դեպ, հանրապետականներից ոմանք էլ արդեն պաշտոնական կայքեր են բացել, ոմանք` ակտիվացնում են նախկինում բացվածները, օրինակ` avagyan.am»:
