Սպիտակ տան հայտնի Օվալաձև կաբինետը` ԱՄՆ նախագահների աշխատասենյակը, հաջորդ տարի փակվելու է վերականգնման աշխատանքների համար: Այս մասին հայտնում է Washingtonian-ը` վկայակոչելով սեփական աղբյուրներին:
«Բարաք Օբաման, Նյութոն Գինգրիչը և Միթ Ռոմնին այժմ խրված են այն բանի մեջ, ինչը դիտորդներն անվանում են տասնամյակի ամենազզվելի նախագահական արշավ, սակայն մեկ տարի անց հաղթողը, ով էլ որ լինի, կարող է՝ չստանա գլխավոր մրցանակը` Օվալաձև կաբինետը: Սկսած հաջորդ տարվանից՝ նախագահի գրասենյակը կարող է Սպիտակ տան Արևմտյան թևից տեղափոխվել հարևան համալիր, որը հայտնի է Հին վարչական շենք կամ Eisenhower Executive Office Building անվամբ»,-գրում է պարբերականը:
Արևմտյան թևի ծառայողական հաստատությունների մի մասը, մասնավորապես՝ մամուլի ճեպազրույցների սրահը, ոչ վաղ անցյալում վերանորոգվել էին, սակայն թևի այն հատվածը, որը չէր վերանորոգվել, կարիք ունի անհապաղ և հիմնարար վերականգնման:
Սակայն Սպիտակ Տան մամուլի քարտուղար Գրեգորի Մեքերը հրաժարվեց հաստատել կամ հերքել տեղեկությունն այն մասին, որ 2013 թվականին ԱՄՆ նախագահը չի աշխատելու Օվալաձև կաբինետում: