Ինչպես հաղորդում է France-Presse գործակալությունը, հունվարի 19–ին փաստաբան Ուիլյամ Բուրդոն դատական հայց է ներկայացրել ֆրանսիական դատարան՝ Բելառուսի ՆԳ նախարար Անատոլի Կուլեշովի դեմ:
Փաստաբանը գործում է մի խումբ բելառուսցիների անունից, ովքեր իրենց երկրի իշխանություններին մեղադրում են բանտարկյալների խոշտանգման մեջ:
Փաստաբանի կարծիքով՝ Ֆրանսիայի ոստիկանությունը պետք է անմիջապես ձերբակալի Կուլեշովին, ով գտնվում է Լեոնում` Ինտերպոլի համաժողովին մասնակցելու նպատակով:
Փաստաբանը պարզաբանել է, որ քննիչները պետք է պարզեն ընդդիմադիր ուժերի ճնշման գործում նախարարի մեղավորության աստիճանը:
Բուրդոն հայտարարել է, որ ներկայացնում է 2010 թ. դեկտեմբերի 19-ին Մինսկում ձերբակալված ընդդիմադիրների շահերը, որոնք բողոքարկում էին կեղծ ընտրությունների արդյունքները:
Բելառուսի իշխանությունները դեռևս չեն արձագանքել այս ամենին։
