Պաշտոնյաները հայտնում են, որ ռուսական նավը, որը, ըստ երևույթին, զենք է տեղափոխել Սիրիա` խախտելով ԵՄ-ի Սիրիա զենքեր տեղափոխելու էմբարգոն, այսօր հասել է թուրքական ափ:
Associated Press-ի հաղորդմամբ՝ Թուրքիայի արտգործնախարար Սելչուկ Ունալն ասել է, որ թուրքական անվտանգության և մաքսային պաշտոնյաները կբարձրանան նավ մինչ թույլ տալը, որ այն մտնի Իսկենդերունի նավահանգիստ:
Ունալը նաև ասել է, որ Chariot նավը Սիրիայի Տարտուսի նավահանգստից հեռացել է այսօր ավելի վաղ և ավելի ուշ հասել է Թուրքիա: Նավապետը հաստատել է, որ նավը ժամանել է Սիրիայից: Բայց դեռևս հայտնի չէ, թե ինչ բեռ են նրանք թողել Սիրիայի նավահանգստում:
