Մեծ Բրիտանիայում Ամելիա անունով հավի համար պատրաստել են թևի պրոթեզ: Վիրահատությունը կատարվել է Արևելյան Չեշիրի անասնաբուժական կենտրոնում:
Ինչպես հայտնում է Knutsford Guardian-ը, Ամելիայի մոտ արհեստական վերջույթի անհրաժեշտություն էր զգացվել այն ժամանակ, երբ նա կոտրել էր թևը: Միջադեպը տեղի էր ունեցել 2011 թվականին:
Հավի տիրուհին` 51-ամյա Սյու Մերֆին, որոշել է օգնել իր թռչունին և դիմել է մասնագետների օգնությանը: «Ես նույն բանը կանեի շան կամ կատվի համար: Շատերը կարծում են, որ ես գժվել են, սակայն նրանք մեր ընտանի կենդանիներն են»,-ասել է Մեֆին:
Թռչունների բուժման հարցերով զբաղվող մասնագետ Ռիչարդ Ջոնսը Ամելիայի համար պրոթեզը պատրաստել է երկու ժամում: Վիրահատությունից հետո թռչունը կարողացել է ազատ շարժել թևը, և վերջույթի արհեստական մասը նրան անհարմարություն չի պատճառել: Վիրահատությունը արժեցել է 600 ֆունտ ստերլինգ:
Ներկայումս Ամելիան գրեթե ամբողջությամբ վերականգնվել է և սկսել է վարել ակտիվ կյանք:
