Իսրայելի պատգամավոր Անաստասիա Միքայելին այսօր այնքան է բարկացել խորհրդարանական բանավեճի ժամանակ, որ վերցրել է բաժակով ջուրը և այն լցրել Աշխատանքային կուսակցության ներկայացուցիչ Ռալեբ Մայադելեի վրա: Անաստասիան մինչ խորհրդարանից դուրս գալը նաև պատգամավորի վրա բղավել է` ասելով. «Ամոթ Ձեզ»:
Associated Press-ը հաղորդում է, որ դեռ պարզ չէ, թե ինչն է եղել «ջրային կռվի» պատճառը: Միքայելին ասել է, որ Մայադելեն վիրավորել է իրեն, և որ ինքն ակնկալում էր, որ «տղամարդը պետք է հարգալից լինի կնոջ նկատմամբ»: Նա նաև ասել է, որ հույս ունի,թե Մայադելեն «կհանգստանա ջրի շնորհիվ»:
Մայադելեն, ով մնացել էր թրջված վերնաշապիկով ու բաճկոնով, Միքայելիին «խենթ» է անվանել:
Խորհրդարանի խոսնակ Ռեուվեն Ռիվլինն ասել է, որ բողոք կներկայացնի Միքայելիի դեմ խորհրդարանի էթիկայի հանձնաժողովում:
