Պակիստանի հարավում գտնվող Կարաչի քաղաքում ոստիկանները սպանել են տեղի թալիբների ղեկավարին ու ձերբակալել նրա օգնականին:
«Ազատություն» ռադիոյի ռուսական ծառայությունը հայտնում է, որ թալիբների ղեկավար Յասին Շախը սպանվել է իր իսկ մեքենայի մեջ: Ոստիկանները փորձել են նրան կանգնեցնել, բայց վերջինս ուշադրություն չի դարձրել ու փորձել է դիմել փախուստի: Կրակոցների հետևանքով երկու ոստիկան վիրավորվել է:
Իրավապաշտպանների տվյալների համաձայն՝ Շախը մեղադրվում է բազմաթիվ սպանություններ, ինչպես նաև մի շարք ահաբեկչություններ կազմակերպելու մեջ:
