Այն բանից հետո, երբ գողերին չի հաջողվել սև շուկայում վաճառել թանկարժեք նկարը, նրանք այն հետ են վերադարձրել:
Գողությունը տեղի էր ունեցել 2009 թվականին՝ Բրյուսելի թանգարանից: Գողերը մտել էին բելգիացի սյուռեալիստ նկարիչ Ռենե Մագրիտին նախկինում պատկանող տունը և այնտեղից գողացել 2.75 միլիոն ֆունտ սթեռլինգ արժողությամբ «Օլիմպիա» կտավը:
Սակայն Daily Mail-ը հաղորդում է, որ այս շաբաթ գողերը կապ են հաստատել արվեստաբան Յանպիետ Կալենսի հետ` վերադարձնելու համար կտավը, քանի որ այն ոչ մեկը չի ցանկացել գնել:
Սա նշանակում է, որ 1948 թվականի կտավը կարող է վերադարձվել փոքրիկ թանգարանին, որտեղ հնարավոր է մտնել միայն նախապես պայմանավորվելուց հետո:
