ԱՄՆ Սիլիկոնյան հովտում ՀՀ ներկայացուցչության բացումը տեղափոխվում է 2012 թվական: Ինչպես «Առաջին լրատվական»-ին հայտնեց Ձեռնարկությունների ինկուբատոր հիմնադրամի տնօրեն Բագրատ Ենգիբարյանը, 2011թ.-ին վերջապես Համաշխարհային բանկը տրամադրեց անհրաժեշտ գումարները և հավանություն տրվեց ԱՄՆ-ում գրասենյակի բացմանը:
«Մոդելը մշակել ենք, հույս ունենք, որ մյուս տարի գրասենյակը կբացենք»,- ասաց Բ. Ենգիբարյանը:
2011թ. իրադարձություններից Բ. Ենգիբարյանն առանձնացրեց ԱրմԹեք համաժողովը, որն, ըստ նրա, մինչ այս եղածներից լավագույնն էր, նաև Դիջիթեք ցուցահանդեսը. «Հիմա բարձր տեխնոլոգիաները դառնում են բոլոր ոլորտների հիմքը»:
