Դորտմունդի «Բորուսսիա»-ի կիսապաշտպան Մարիո Գյոտցեն, որի ծառայություններով արդեն մի քանի ամիս հետաքրքրվում է «Ռեալ»-ը, որոշել է Ամանորն անցկացնել Մադրիդում` իր նախկին խաղընկեր Նուրի Շահինի հետ:
Եվրոպոյի 2011 թվականի լավագույն երիտասարդ ֆուտբոլիստը բազմիցս խոստովանել է, որ կցանկանար տեղափոխվել կա´մ «Ռեալ», կա´մ «Բարսելոնա»:
Գերմանիայի հավաքականի կիսապաշտպանի խաղին «արքայական» ակումբի սկաուտները հետևում էին դեռ աշնանը, երբ Մարիոն հիանալի խաղ էր ցուցադրում, և հիմա համարվում է տրանսֆերային պատուհանի ամենապահանջված ֆուտբոլիստներից մեկը: Գերմանացու խաղը դուր է գալիս նաև Ժոզե Մոուրինյոյին, ով նշել էր, որ ավելի լավ է Գյոտցեի նման երիտասարդ և տաղանդավոր ֆուտբոլիստի տրանսֆերի դիմաց վճարել 30 մլն եվրո, քան 30 տարեկանի դիմաց` 65 մլն (ամենայն հավանականությամբ ակնարկելով Կակային):