Ռուսական Regnum լրատվական գործակալության փոխանցմամբ՝ Թուրքիայի վարչապետ Էրդողանի առողջական վիճակը շատ ավելի լուրջ է, քան դա փորձում են ներկայացնել պաշտոնատար անձինք։ Այս մասին հայտնում են թուրքական աղբյուրները։
Վերջիններս նշել են, որ Էրդողանը մոտ ապագայում մեկնելու է ԱՄՆ՝ բուժումը շարունակելու։ Ակնկալվում է, որ նա բուժզննում է անցնելու Նյու Յորքի կլինիկաներից մեկում։ Դրանից երեք շաբաթ առաջ Էրդողանը Ստամբուլում ենթարկվել էր աղիների վիրահատության։
Աղբյուրների մի մասը նշում է, որ Էրդողանն ուղիղ աղիի շրջանում ունի չարորակ ուռուցք, և որ նրան նշանակել են քիմիաթերապիայի կուրս։ Սակայն Էրդողանի անձնական բժիշկները հայտարարում են, որ Էրդողանի աղիներից հեռացվել են միայն պոլիպներ, որոնք ունեցել են բարորակ բնույթ։
Հիշեցնենք, որ Էրդողանը վիրահատության է ենթարկվել նոյեմբերի 26-ին, և պաշտոնական հավաստիացումներով՝ դա եղել է «թեթև վիրահատություն»։