Այս հետաքրքիր մտահղացման պատճառով Մայամիի արվեստագետը առնվազն 5 տարով կարող է հայտնվել ճաղերի հետևում և նաև ստիպված լինել 250.000 դոլարի տուգանք վճարել:
Դե Մոլինան ընդամենը օգտագործում է մահացած կենդանիների մարմնի մասերը, որոնք միմյանց հետ միախառնելով՝ ստեծում է տարօրինակ արարածներ, ինչպես, օրինակ, այծի մարմնով երկգլխանի կարապ:
Արվեստագետը մեղավոր է ճանաչվել, քանի որ, ինչպես հաղորդում է Miami New Times-ը, իր տարօրինակ արարածներին ստեղծելու համար նա օգտագործել է անհետացման եզրին հայտնված կենդանիների մարմնի մասերը: Ոստիկանության հաղորդմամբ՝ նա իր ունեցած կենդանիների մարմնի մասերի համար թույլտվություն չի ունեցել և տեղյակ է եղել, որ սահմանադրորեն իր արածը սխալ է։ Նա անգամ վաճառողներին խնդրել է ապրանքը փաթաթել մուգ գույնի թղթի մեջ:
Արվեստագետը, սակայն, ասել է, որ փորձում է իր աշխատանքների միջոցով ցույց տալ, թե որոնք են բնությանը սպառնացող վտանգները։ Ըստ նրա՝ դրանք գենետիկ խառնուրդներն են և մարդու միջամտությունը։
