Դեկտեմբերի 13-ին` ժամը 23.30-ին, հիվանդանոցից ոստիկանության Շենգավիթի բաժնում հաղորդում է ստացվել, որ որովայնի կտրած-ծակած թափանցող վերքով իրենց մոտ բուժօգնության է տեղափոխվել 31-ամյա մի տղամարդ:
Վերջինս, ըստ բժշկի տեղեկանքի, ի վիճակի չի եղել հաղորդում տալու:
«Առաջին լրատվական»-ին ոստիկանությունից տեղեկացնում են, որ ոստիկանները պարզել են, որ տղամարդուն տանը, ամուսնալուծության հարցի շուրջ առաջացած վիճաբանության ժամանակ, դանակով հարվածել է կինը:
Ձեռնարկվում են միջոցառումներ կնոջը հայտնաբերելու ուղղությամբ:
Նշանակվել է դատաբժշկական փորձաքննություն:
Կատարվում է նախաքննություն:
