Չինաստանը պլանավորում է ստեղծել երկրի արժույթի պահուստային կառավարման նոր գործիք` 300 միլիարդ դոլար ծավալով հիմնադրամ, որի միջոցներն ուղղվելու են Եվրոպայում և ԱՄՆ-ում ներդրումներ կատարելու համար:
Ինչպես հայտում է Reuters գործակալությունը, հիմնադրամի ստեղծման մտահղացումը ծնվել է մինչ եվրոգոտու ճգնաժամը` երկրի օտարերկրյա ներդրումների շահութաբերությունն ավելացնելու համար: Սակայն Եվրոպայում ֆինանսական ճգնաժամի ժամանակահատվածում Չինաստանի կողմից տրամադրվող միջոցները կարող են ունենալ առանձնահատուկ դերակատարում: Չինաստանի կողմից հիմնադրամի ստեղծման լուրի ֆոնին նավթը, որի գինը օրվա ընթացքում ընկնում էր, սկսել է աճել:
Reuters-ի աղբյուրները հայտնում են, որ նոր մեխանիզմի աշխատանքների մանրամասները դեռ քննարկման փուլում են, սակայն նախագծի ղեկավարության կազմն արդեն որոշված է:
Բացի այդ, Չինաստանի պետական արժութային վարչությունը, որը ղեկավարում է երկրի արժութային պահուստները, աշխատելու է նոր մեխանիզմով:
Չինաստանի արժութային պահուստների ընդհանուր ծավալը, որի կողմից վաղուց օգնություն են սպասում ԵՄ երկրների առաջնորդները, գերազանցում է 3 տրիլիոն դոլարը: