Ցանցահենները կոտրել են և Հնդկաստանի իշխող «Հնդկական ազգային կոնգրես» կուսակցության կայքը` նրա առաջնորդ Սոնյա Գանդիի նկարը փոխարինելով «պոռնոգրաֆիկ ուղերձով»:
Ինչպես հաղորդում է France-Presse գործակալությունը, հաղորդագրության բովանդակությունը չի ասվում, սակայն նշվում է, որ եղել է էլեկտրոնային հասցե, որը գրանցվել էր պակիստանյան դոմենում:
Ցանցահենների այդ քայլը հայտնաբերելուց հետո կայքը փակվել է: Այս պահին նշումները նույնպես անհասանելի են:
Դեկտեմբերի 5-ին Հնդկաստանի իշխանությունները դիմել էին Yahoo!, Google, Microsoft և Facebook ընկերություններին` պահանջելով իրենց ինտերնետ ռեսուրսներից հեռացնել Սոնյա Գանդիին վարկաբեկող և վիրավորական փաստերը:
Սոնյա Գանդին «Հնդկական ազգային կոնգրեսը» գլխավորել է իր ամուսնու և կուսակցության նախկին առաջնորդ Ռաջիվ Գանդիի սպանությունից հետո, որը Հնդկաստանի վարչապետ Ինդիրա Գանդիի որդին էր: 2011 թվականին Forbes ամսագիրը Սոնյա Գանդիին ներառել է աշխարհի ամենաազդեցիկ կանանց տասնյակում:
