Եվրոպայում մուսուլման հոգևորականներից մեկը, որի անունը չի նշվում, արգելել է կանանց մոտենալ այն մրգերին ու բանջարեղենին, որոնք հիշեցնում են տղամարդու սեռական օրգան: Այսպիսով նա հույս ունի կանանց հեռու պահել մեղքից, այսինքն՝ «սեքսի մասին մտքից»:
Ինչպես հաղորդում է եգիպտական Bikya Masr լրատվական կայքը, իմամը համոզված է, որ կանանց պետք է արգելվի անգամ մոտենալ բանանին կամ վարունգին: «Եթե կանայք ցանկանում են դրանք օգտագործել սննդի մեջ, ապա երրորդ անձը (ցանկալի է՝ ազգակից տղամարդ՝ հայրը կամ ամուսինը) պետք է մանր կտրատի այն և այդ ձևով հանձնի կնոջը»,- ասել է իմամը:
Այս լուրն արագորեն տարածվել է համացանցում և բուռն քննարկումների տեղիք է տվել լիբերալ մուսուլմանների շրջանում:
