ՌԴ վարչապետ Վլադիմիր Պուտինը «Համառուսաստանյան ժողովրդավարական ճակատի» դաշնային համակարգող խորհրդի նիստի ժամանակ հայտարարել է, որ ԱՄՆ պետքարտուղար Հիլարի Քլինթոնի հայտարարությունը Ռուսաստանում ոչ ժողովրդավարական խորհրդարանական ընտրությունների վերաբերյալ չի հիմնվել իրական փաստերի վրա, սակայն ազդանշան է տվել Ռուսաստնի մի շարք «գործիչների» ակտիվ գործունեության համար:
«Ես նայել եմ մեր ամերիկացի գործընկերների առաջին ռեակցիային: Առաջինը, որ արել պետքարտուղարը, տվել է ընտրությունների գնահատականը`ասելով, թե դրանք մաքուր չեն և անարդար են` դեռ չստացած Մարդու իրավունքների և ժողովրդավարական ինստիտուտների բյուրոյի դիտորդների նյութերը: Նա երանգ է հաղորդել մեր գործիչներին երկրի ներսում և ազդանշան է տվել: Նրանք լսել են այդ ազդանշանը և ԱՄՆ պետդեպարատամենտի աջակցությամբ սկսել են ակտիվ աշխատել»,- ասել է Պուտինը, որին մեջբերում է РИА «Новости»-ն:
Վարչապետը առաջարկում է խստացնել պատասխանատվությունը նրանց նկատմամբ, ովքեր «կատարում են օտար պետությունների խնդիրները»` միջամտելով Ռուսաստանի քաղաքական կյանքի մեջ:
Ռուսաստանի խորհրդարանական ընտրությունների վերաբերյալ անհանգստություն են արտահայտել Սպիտակ տան ներկայացուցիչ Ջեյ Քարնին, ԱՄՆ պետքարտուղար Հիլարի Քլիթոնը, որը ընտրությունն անվանել էր «անազատ և անարդար»:
