ԱՄՆ-ի Եվրոպայի անվտանգության և համագործակցության հանձնաժողովը, որը հայտնի է նաև Հելսինկյան հանձնաժողով անվամբ, կոչ է արել Ռուսաստանին հետևել ժողովրդավարության կանոններին, այդ թվում՝ մարդու իրավունքների նկատմամբ հարգանքին: Ինչպես հաղորդում է Reuters գործակալությունը, ասոցիացիայի կոչը հնչել է Ռուսաստանի Պետդումայի ընտրությունների արդյունքները չեղյալ հայտարարելու պահանջով բողոքի ցույցերի ֆոնին:
Հելսինկյան հանձնաժողովը ԱՄՆ անկախ կառավարական գործակալություն է, որը զբաղվում է Հելսինկյան համաձայնագրի կետերին հետևելու մոնիտորինգով:
«Մենք կոչ ենք անում Ռուսաստանի իշխանություններին հարգել մարդու իրավունքների, ժողովրդավարության և օրենքի գերակայության միջազգային համաձայնագիրը, ինչպես նաև կոչ ենք անում հարգել մարդու իրավունքները, այդ թվում՝ լսված լինելու իրավունքը: Մենք հույս ունենք, որ ընտրությունների արդյունքների իրական լինելու հարցը կլուծվի մոտ ժամանակները»,- ասվում է հանձնաժողովի հաղորդագրության մեջ:
Հիշեցնենք, Պետդումային ընտրություններին հաջորդող օրերին՝ դեկտեմբերի 5-ին և 6-ին, Ռուսաստանի տարբեր քաղաքներում տեղի ունեցած բողոքի ակցիաներից հետո ձերբակալվել է ավելի քան 600 մարդ: