«Эхо Москвы» ռադիոկայանի փոխանցմամբ՝ Մոսկվայի տարբեր շրջանների բնակիչներ հայտնում են, որ այսօր առավոտյան քաղաքի կենտրոնական ավտոմայրուղիներին մոտեցել են զինվորականների մեծ ստորաբաժանումներ: Ենթադրվում է, որ նրանք ներքին զորքերի զինվորներ են: Այս մասին ռադիոկայանին են հաղորդել ունկնդիրները, այդպիսի հաղորդագրություններ են հայտնվել նաև բլոգներում և Twitter-ում:
Ռուսաստանի ՆԳ նախարարությունից հայտնել են, որ բնակիչների կողմից նկատված ներքին զորքերի ստորաբաժանումները բերվել են հասարակական կարգի պահպանության ուժեղացման համար` մինչև ընտրությունների ձայների վերջնական հաշվարկը: Իրականում նրանց թիվը չի ավելացել, այլ ամեն օր զինվորներն իրենց տեղերով փոխվել են:
Ներքին գործերի գլխավոր վարչության աղբյուրի խոսքերով՝ հասարակական կարգի լրացուցիչ պահպանության համար ցույցերի և այլ ելույթներ ժամանակ մշտապես առկա է օպերացիոն նշանակության ստորաբաժանման և ներքին զորքերի այլ ստորաբաժանումների 3000 զինծառայողներ` որպես օգնություն:
Ստորաբաժանումների տեղակայման մասին դեռ պաշտոնական մեկնաբանություններ չկան: Այս ամենի մասին տեղեկություններ են տարածել նաև «Русская служба новостей»-ը և «Дождь» հեռուստաալիքը: «Русская служба новостей»-ը տեղեկացնում է նաև ռազմական բեռնատարների, իսկ «Дождь»-ը` դրանց տեղակայման մասին:
Ոստիկանությունում ասում են, որ քաղաքում իրականում ուժեղացվել են ոստիկանական պահուստները ներքին զորքերի հաշվին: Դա կապված է զանգվածային միջոցառումների և ընտրությունների հետ: Այդ մասին ИТАР-ТАСС գործակալությանը հայտնել է Մոսկվայի իրավապահ մարմիններում ունեցած իր աղբյուրը և հավելել, որ դեկտեմբերի 4-ին տեղի ունեցած ընտրությունների ժամանակ մայրաքաղաքում կար 51 հազար ոստիկան և ներքին զորքերի զինծառայող: Լրացուցիչ հսկում են նաև մետրոն: Կարգուկանոնի պահպանման համար այս օրերին Մոսկվայում գործի է դրվել նաև ներքին գործերի հատուկ նշանակության «Пересвет» ջոկատը:
Դեկտեմբերի 6-ին Մոսկվայում տեղի է ունենալու բազմահազարանոց «Մաքուր հաղթանակ» ցույցը, որը նվիրված է լինելու Պետդումայի վեցերորդ գումարման ընտրություններում Единая Россия-ի հաղթանակին:
Հիշեցնենք, որ նախօրեին Մոսկվայում ցույց էին անցկացրել Единая Россия-ն, Կոմունիստական կուսակցությունը, ինչպես նաև ընդդիմությունը: Զինվորականների և ոստիկանների լրացուցիչ տեղաշարժման մասին բլոգերները չեն հայտնել:
Հիշեցնենք, որ Единая Россия կուսակցությունը մտադիր է պատասխան տալ ընդդիմադիր ակցիաներին` դեկտեմբերի 6-ին Մոսկվայի կենտրոնում կազմակերպելով 10-հազարանոց ցույց:
