PricewaterhouseCoopers հայտնի աուդիտորական և խորհրդատվական ընկերությունը կանխատեսում է, որ 2010թ.-ին կարձանագրվի մեքենաների արտադրության աճ 19%-ով` մինչև 68.7 մլն մեքենա: Մեծամասամբ այն կապված է Հնդկաստանում և Չինաստանում պահանջարկի մեծացման հետ, ինչպես նաև ԱՄՆ-ի ավտոշուկայի վերականգնման հետ 2009թ.- ի համեմատ: Եվրոպայում այդ տեմպերն ավելի դանդաղ են, ասվում է ընկերության հաղորդագրության մեջ:
Ասիական-խաղաղօվկիանոսյան տարաժաշրջանը կդառնա խթանող ուժ արագ զարգացող շուկաների համար, միևնույն ժամանակ դրանց զարգացման հնարավորությունները սահմանափակված են: Այդ ամենի շարժիչ ուժը կլինի Չինաստանը: PwC-ի կանխատեսումներով` մեքենաշինության համաշխարհային արտադրությունը 2011 թվականին կկազմի 73.8 միլիոն մեքենա:
Ընկերությունը տեղեկություններ է հայտնում նաև զարգացող մեկ այլ շուկայի` Ռուսաստանի վերաբերյալ: Ըստ այդմ, նշվում է, որ 2009թ.-ը բեկումնային էր Ռուսաստանում մեքենաշինության համար: Արտասահմանյան մեքենաների արտադրությունը Ռուսաստանում 2002թ.ից մինչև 2010 թ.-ն աճել է 34%-ով: PwC ակնկալում է այսպիսի տեմպերի պահպանում, քանի որ նոր գործարանները սկսում են մեծացնել իրենց արտադրության քանակները:
