Նոր ուսումնասիրությունների արդյունքում, որոնց համար օգտագործվել են Չանդրա և այլ հեռադիտակներ, գիտնականները կարողացել են աննախադեպ և ճշգրիտ տեղեկություններ ստանալ Սև խոռոչի պտտման, զանգվածի և հեռավորության մասին: Այս ուսումնասիրությունները ամբողջացրել են Սև անցքի ստեղծման և ներկայի վիճակի մասին պատմությունը:
The State Column-ը գրում է, որ Աստղաֆիզիկայի հարվարդսմիթսոնյան կենտրոնը և Սան Դիեգոյի պետական համալսարանը պարզել են, որ Cygnus X-1-ի սև խոռոչը մոտավորապես 6070 լուսային տարի հեռու է Երկրից և իր զանգվածով արևից 15 անգամ մեծ է:
Գիտնականները կարծում են, որ այն առաջացել է 6 միլիոն տարի առաջ՝ մի աստղի կործանման հետևանքով, որը 100 անգամ մեծ էր արևից:
Հիշեցնենք, որ Cygnus X-1-ը հայտնաբերվել է մոտավորապես 50 տարի առաջ: Նրա արձակած ռենտգենյան ճառագայթների պատճառով գիտնականները չէին կարողանում պատկերացում կազմել նրա զանգվածի և հեռավորության վերաբերյալ: Այս նոր ուսումնասիրությունը թույլ է տվել հաշվել նրա հեռավորությունը Երկրից, և պարզվել է, որ Cygnus X-1-ը Ծիր կաթինի մաս է:
