Մոտ 100 ցուցարար է ձերբակալվել այսօր Նյու Յորքում: Նրանք մասնակցել են «Գրավիր Ուոլ Սթրիթը» ցույցին: Այս մասին հայտարարել է ոստիկանության պետի տեղակալ Պոլ Բրաունը՝ CNN հեռուստաալիքի ուղիղ եթերում:
Մեծ թվով ձերբակալությունների պատճառ է դարձել ոստիկանությանը չենթարկվելը: Ոստիկանությանը թույլ են տվել ձերբակալությունները սկսել երեք նախազգուշացումից հետո:
Առավոտյան ցուցարարները փորձել են ներխուժել Նյու Յորքի ֆոնդային բորսայի շենքը, որը շրջափակված է եղել ոստիկանների կողմից:
Զուկոտի զբոսայգում ներկա պահին գտնվում են միջոցառման մի քանի հարյուր մասնակիցներ:
Ցուցարարները պատրաստվում են խանգարել մետրոյի աշխատանքներին և անցկացնել ուսանողական ցույց Յունիոն այգում, իսկ հետո շրջափակման մեջ վերցնել Սիթի հոլը, որից հետո կուղևորվեն Բրուքլինյան կամրջի մոտ և կմասնակցեն «Լույսերի փառատոն» միջոցառմանը:
Տեղի մամուլը նախազգուշացնում է քաղաքացիներին խցանումների մասին` խորհուրդ տալով շրջանցել Բրուելին բրիջը, Ֆոլի և Յունիոն այգիները, որտեղ պլանավորված է անցկացնել ցույցեր և երթեր:
