Այսօր` նոյեմբերի 17-ին, ժ. 16:00-ին, Արամ Խաչատրյանի տուն-թանգարանում տեղի կունենա բարեգործական համերգ:
Իրենց կատարումներով հանդես կգան Առնո Բաբաջանյանի անվան պետական մանկավարժական քոլեջի սաները:
Համերգի կազմակերպիչը քոլեջն է, և այսօրվա համերգը քոլեջի թվով 3-րդ բարեգործական համերգն է:
Արամ Խաչատրյանի տուն-թանգարանն իր համերգասրահն այսօր անվճար տրամադրել է քոլեջի սաներին:
Համերգի հասույթը կուղղվի «Հայաստան» համահայկական հիմնադրամի այս տարվա
Հեռուստամարաթոնին, որն արդեն մեկնարկել է սփյուռքում:
Հիշեցնենք, որ «Հայաստան» հիմնադրամի միջազգային 14-րդ հեռուստամարաթոնը կհեռարձակվի 2011թ. նոյեմբերի 24-ին` խաղաղօվկիանոսյան ժամանակով ժամը 8:00- 20:00-ն: Հոլիվուդից հեռարձակվող հեռուստամարաթոնը հնարավորություն կունենան դիտելու ամբողջ աշխարհի հայերը:
Այս տարի հիմնադրամի կարգախոսն է «Ջուր տուր, կյանք պարգևիր»: