Երկուշաբթի Սիրիայում անվտանգության ուժերի և ցուցարարների միջև տեղի ունեցած բախումներում զոհվել է ավելի քան 70 մարդ: Այս մասին հաղորդում է France-Press գործակալությունը` վկայակոչելով Լոնդոնում տեղակայված «Մարդու իրավունքների պահպանման մոնիտորինգի սիրիական կենտրոն» իրավապաշտպան կազմակերպությանը:
Կազմակերպության տվյալներով` Սիրիայի տարբեր քաղաքներում երեկ զոհվել է 27 խաղաղ քաղաքացի, 34 զինծառայող և 12 դասալիք: Նրանց մեծ մասը սպանվել են Դարաա քաղաքում:
Սիրիայի իշխանությունները անընդհատ հերքում են զոհերի մասին արևմտյան մամուլի տարածած տեղեկությունները և շարունակում մեղքը բարդել «զինված ավազակախմբերի վրա»:
