Մեծ Բրիտանիայի վարչապետ Դևիդ Քեմերոնը ստիպված է անձամբ մասնակցել իր նստավայրում կրծողների դեմ պայքարին, քանի որ Լարրի կատուն, որին բերել են Դաունինգ սթրիթ հատուկ առնետներին ոչնչացնելու համար, չի ցանկանում կատարել իր պարտականությունները:
Ինչպես հաղորդում է բրիտանական The Daily Mail պարբերականը, վերջին մի քանի ամիսների ընթացքում կատուն ընդամենը մեկ մուկ է որսացել: Իր ժամանակի մեծ մասը նա անցկացնում է իր «սրտի տիրուհու» հետ զբոսնելով կամ քնելով:
Բանը հասել է նրան, որ անցյալ շաբաթ Քեմերոնը ինքն է փորձել սպանել սրահում վազվզող մկանը` երկու պաշտոնյաների հետ հանդիպման ժամանակ նրա վրա նետելով արծաթե պատառաքաղ: «Զենքը» նպատակակետին չի հասել:
Դաունինգ Սթրիթում մկներիի և առնետների դեմ պայքարելու անհրաժեշտություն առաջացավ բանից հետո, երբ կրծողները մի քանի անգամ հայտնվեցին լրագրողների տեսախցիկների ուշադրության կենտրոնում:
Չորսամսական Լարի կատվին «վարձել էին» փետրվարին: Դեռ հունիսին Քեմերոնը հայտարարել էր, որ կատուն բավական լավ է կատարում իր պարտականությունները և արդեն երեք մուկ է բռնել: