Ռուսական ընկերությունները արտասահմանում աշխատելիս ամենաշատն են կաշառք տալիս: Այս մասին են վկայում Transparency International միջազգային կազմակերպության Bribe Payers Index վարկանիշային աղյուսակի տվյալները:
Հետզոտության ընթացքում վերցվել են աշխարհի 28 խոշոր տնտեսությունները, որոնք գնահատվել են 1-10 բալանոց սանդղակով: Ռուսաստանը աղյուսակի բոլոր մասնակիցների մեջ ստացել է ամենացածր միավորը` 6.1 բալ, և զբաղեցրել վերջին հորիզոնականը: Նախավերջին տեղում հայտնվել է Չինաստանը (6.5 բալ):
Առաջին և երկրորդ տեղերը զբաղեցրել են Նիդերլանդների և Շվեյցարիայի ընկերությունները` 8.8 բալով: Նրանց հաջորդում են Բելգիան (8.7 բալ), Գերմանիան և Ճապոնիան (յուրաքանչյուրը 8.6 բալ): ԱՄՆ-ը 8.1 բալով զբաղեցրել է 10-րդ հորիզոնականը:
Bribe Payers Index-ի հեղինակները ուսումնասիրել են նաև կաշառակերության մակարդակը տնտեսության տարբեր սեկտորներում: Պարզվել է, որ ամենաքիչ կոռումպացված ճյուղերը գյուղատնտեսությունն ու թեթև արդյունաբերությունն են (7.1 բալ): Ամենացածր գնահատականները ստացել են հասարականան օգտագործման շինարարության ճյուղը (5.3 բալ), կոմունալ ծառայությունների և անշարժ գույքի հետ կապված աշխատանքների ճյուղերը (յուրաքանչյուրը 6.1 բալ):
Transparency International ընկերության նախորդ` 2008 թ. վարկանիշային աղյուսակում նույնպես Ռուսաստանը զբաղեցնում էր վերջին հորիզոնականը: