Արաբական երկրների լիգան և Սիրիան համաձայնության են եկել՝ երկրում ճգնաժամը վերացնելու հարցի շուրջ: Այս մասին հաղորդում են սիրիական ԶԼՄ-ները:
Դամասկոսը պահանջում է դադարեցնել տեղեկատվական պատերազմն ընդդեմ Սիրիայի, ինչպես նաև դադարեցնել երկրի տարածքում գործող խմբավորումներին զենք տրամադրելը և չեղյալ հայտարարել պատժամիջոցները, որոնք կիրառվել են որոշ երկրների կողմից՝ Սիրիայի նախագահ Բաշար Ասադի ռեժիմի դեմ: Այս ամենի փոխարեն Սիրիան խոստանում է մասշտաբային բարեփոխումներ սկսել:
Արաբական երկրների լիգան կոչ է անում սիրիական իշխանություններին բանակցություններ սկսել ընդդիմության ներկայացուցիչների հետ:
Համաձայնագրի ստորագրման արարողությունը տեղի կունենա չորեքշաբթի օրը՝ Կահիրեում:
