Ռուսական կայքերից մեկը գրում է, որ Ռուսաստանի հավաքականի ֆուտբոլիստները Անդորրայի հետ խաղից անմիջապես հետո ուղևորվել են ռեստորան: Հարձակվող Ռոման Պավլյուչենկոն և կիսապաշտպաններ Դինիյար Բիլյալետդինովն ու Ալեքսանդր Սամեդովը որոշել են առանձնանալ Նոր Արբատի հաստատություններից մեկում: Նրանց ընկերակցել է նաև մոսկովյան «Դինամո»-ի և Ուկրաինայի հավաքականի հարձակվող Անդրեյ Վորոնինը:
Բոլորը, բացի Պավլյուչենկոյից, եղել են իրենց կանանց ուղեկցությամբ: Հյուրերը հավաքվելուն պես՝ շամպայն են պատվիրել: ԵՎ առաջին բաժակաճառը, իհարկե, նվիրված է եղել Եվրո 2012-ում հայտնվելուն: Հավաքականի ֆուտբոլիստները չեն սահմանափակվել շամպայնով և շուտով պատվիրել են նարգիլե, գինի և գարեջուր: Գինին ավելի շատ դուր է եկել Անդրեյ Վորոնինին, իսկ մնացածը նախընտրել են գարեջուր: Բոլորը` առանց բացառության, նարգիլե են ծխել:
Խումբը բաժանվել է առավոտվա ժամը 5-ին մոտ: Հավանաբար այդ է եղել պատճառը, որ Պավլյուչենկոն ստիպված հետաձգել է իր թռիչքը Անգլիա:
