Մարաթոն վազող 100-ամյա հնդիկ Ֆաուջա Սինգհը չի ընդգրկվի «Գինեսի ռեկորդների գրքի» մեջ՝ որպես ամենածեր մարդ, ով հաղթահարել է 42 կիլոմետրանոց տարածությունը: Այս մասին հաղորդում է Associated Press-ը: Նման որոշում են կայացրել ռեկորդները գրանցող կազմակերպության ներկայացուցիչները:
Մերժման պատճառ է հանդիսացել այն, որ Սինգհը ռեկորդների գրքի աշխատակիցներին չի ներկայացրել ծննդյան վկայականը: Սակայն նրա մոտ կա Մեծ Բրիտանիայի քաղաքացու անձնագիր, որի մեջ նշված է, որ նա ծնվել է Հնդկաստանում՝ 1911 թ. ապրիլի 1-ին:
Ըստ BBC News-ի՝ Սինգհի մարզիչը հաղորդել է, որ իր մարզիկը չի կարող ունենալ ծննդյան վկայական, քանի որ նա ծնվել է 1911 թ.՝ Հնդկաստանում, որտեղ այդ ժամանակ նման փաստաթուղթ չէր տրվում: Սակայն պահանջներն անփոփոխ են մնացել: Սինգհը պետք է ներկայացնի ծննդյան վկայական, քանի որ անձնագիրը ներկայացնելը բավարար չէ:
Ֆաուջա Սինգհը վազել է 16 կիլոմետր Տորոնտոյում: Դա անելու համար նրանից պահանջվել է 8 ժամ:
