«Իսլամական «Ալ-Նահդա» կուսակցությունը հայտարարել է Թունիսում հոկտեմբերի 23-ին տեղի ունեցած ընտրություններում իր հաղթանակի մասին»,- հայտնում է Reuters գործակալությունը:
Կուսակցության ներկայացուցիչները հայտնել են, որ, ըստ ընտրական տեղամասերից եկած տվյալների, իրենք ընտրություններում հավաքել են ընտրողների ձայների 30 տոկոսը:
Առաջադիմական ժողովրդավարական կենտրոնամետ կուսակցությունը, որը իսլամական կուսակցության գլխավոր մրցակիցն էր, ընդունել է իր պարտությունը: Կուսակցության ներկայացուցիչները շնորհավորել են հաղթողներին և հայտարարել, որ անցնում են ընդդիմության կողմը:
Ընտրությունների պաշտոնական արդյունքները կհրապարակվեն ավելի ուշ, սակայն ձայների հետագա հաշվարկը դժվար թե ինչ-որ բան փոխի:
Հիշեցնենք, որ ընտրություններին մասնակցում էին 100 քաղաքական կուսակցություններ, ինչպես նաև՝ անկախ թեկնածուներ:
Սահմանադրական խորհրդի ընտրությունները տեղի ունեցան նախկին նախագահ Զինա Ալ-Աբեդին Բեն Ալիի գահընկեց լինելուց ինը ամիս անց:
Սահմանադրական խորհրդի կազմի մեջ կմտնեն 217 պատգամավորներ, որոնք կկազմեն երկրի սահմանադրությունը, կնշանակեն երկրի ժամանակավոր նախագահին և կձևավորեն կառավարությունը: Կառավարությունը կգործի նոյեմբերի 9-ից: