Ադրբեջանական Trend լրատվական գործակալության փոխանցմամբ՝ երկուշաբթի օրը Մոսկվայի հարավ-արևելքում ընկած «Սադովոդ» շուկայում հնչել են կրակոցներ, ինչը տևել է 8-10 րոպե։
Ռուսական ոստիկանությունը պարզել է, որ շուկայում միմյանց են բախվել դաղստանցի գնորդներն ու ադրբեջանցի վաճառողները։ Գնորդները զննել են վաճառվող հեռախոսները և խնդրել զեղչ անել, սակայն մերժում են ստացել։ Արդյունքում կողմերի միջև առաջացել է բանավեճ, որը վերածվել է ծեծկռտուքի։
Դժգոհ գնորդները դեպքի վայրից հեռացել են անպայմանորեն վերադառնալու և վրեժխնդիր լինելու մտադրությամբ։ Նրանք վերադարձել են 8 հոգով և կրակ բացել։ Արդյունքում վիրավորվել է 4 առևտրական, որոնցից 3-ը ադրբեջանցիներ են, իսկ մեկը՝ աֆղան։ Բժիշկների խոսքերով՝ նրանց վերքերը վտանգավոր չեն։
Ոստիկանությունը դեպքի վայրում հայտնաբերել է 18 պարկուճ՝ արձակված տրավմատիկ ատրճանակից։ Ոստիկանությանը հաջողվել է ձերբակալել հարձակում գործած անձանցից միայն մեկին, ում մոտ հայտնաբերվել է МР-80 տիպի տրավմատիկ ատրճանակ։ Մյուսները փախուստի են դիմել։
