Այսօր the Guardian թերթը հրապարակել է մի հոդված, որտեղ կրկին շոշափվում է Հայաստանից Իրանին, ապա և Իրաքի ահաբեկիչներին հասած զենքի մասին: Խոսվում է, որ ԱՄՆ պետքարտուղարությունը մտահոգություն է հայտնել մի շարք երկրների` Բուլղարիայի, Հայաստանի, Չինաստանի և Ուկրաինայի կողմից Իրանին և ահաբեկչությանը հովանավորող այլ երկրներին օգնություն ցուցաբերելու մասին:
Հայաստանին վերաբերող մասով ասվում է, որ ԱՄՆ-ի` այն ժամանակվա պետքարտուղար Քոբդոլիզա Ռայսը 2008թ. հանձնարարել է Հայաստանում գտնվող իրենց դիվանագետներին բողոքել Հայաստանի իշխանություններին իրենց տարածքով Իրանին վաճառված բուլղարական արտադրության զենքի մասին, որը հետագայում օգտագործվել է ԱՄՆ զորքերի դեմ Իրաքում: ԱՄՆ դիվանագետները մեղադրել են Հայաստանի պաշտպանության նախարարին Բուլղարական արտադրության RPG-22 հակատանկային հրթիռների և գնդացիրների` Իրանին վաճառելու գործընթացին անձամբ օժանդակելու մեջ, որից 10%-ը հայտնվել է շիա գրոհայինների ձեռքում Իրաքում, որոնք 2008թ. մահաբեր հարվածներ են հասցրել ԱՄՆ զորքերին: Չնայած Հայաստանի կառավարության այն վստահեցումներին, որ բուլղարական զենքերը կօգտագործվեն միայն Հայաստանում, ԱՄՆ զորքերն Իրաքում հայտնաբերել են երկու զենք, որոնց սերիական համարները հավաստում են, որ նրանք վաճառված են եղել Հայաստանին:
«ԱՄՆ-ն չի հանդուրժում, որ իր ընկերները հանդես են գալիս որպես Իրան զենքի վաճառքի խողովակ, հատկապես երբ փաստաթղթերով ապացուցված է, որ Իրանը, մի երկիր, որը հովանավորում է ահաբեկչությունը, զինել է շիա գրոհայիններին Իրաքում և Հզբոլլահին Սիրիայում և Լիբանանում,- ասել են դիվանագետներն իրենց հայ գործընկերներին, մինչև որ կխոսեին պատժամիջոցների հնարավոր կիրառման մասին»: