Խաղաղ պայմաններում սպանված զինծառայողների ծնողները չընդունեցին Պաշտպանության նախարարության ներկայացուցիչ Վարդան Ղուկասյանի` Ռազմական ոստիկանություն գնալու հրավերը:
Շենքի ամբողջ երկայնքով կանգնած ոստիկանները մարդկանց թույլ չէին տալիս մոտենալ ճաղավանդակներին, որի մոտ տեղի էր ունենում ծնողների և Վարդան Ղուկասյանի զրույցը:
Այնուհետև ակցիայի մասնակիցները վերջին տարիներին սպանված տղաների նկարները ձեռքներին հատեցին Բաղրամյան պողոտան:
Այս պահին ևս Վարդան Ղուկասյանը բանակցություններ է վարում զինծառայողների ծնողների հետ, սակայն, ինչպես «Առաջին լրատվական»ի- հետ զրույցում նշեց Տիգրան Օհանջանյանի մայր Գոհար Սարգսյանը, ծնողները պահանջում են մեկ ուրիշ օր հանդիպում կազմակերպել` քննիչների, զինդատախազի հետ, որին իրենք կներկայանան իրենց փաստաբանների հետ:
