ԱՄՆ-ը հունական «Կրակե բջիջների դավադրություն» (Synomosia Pyrinon tis Fotias, SPF) անարխիստական խմբավորումը մտցրել է ահաբեկչական խմբավորումների ցուցակի մեջ: Ինչպես հաղորդում է Reuters գործակալությունը, ԱՄՆ պետդեպարատամենտը կարծում է, որ SPF-ը պատասխանատվություն է կրում Հունաստանում և այլ երկրներում կառավարության անդամների վրա մի շարք հարձակումների համար:
Այժմ ԱՄՆ-ը կսառեցնի իր տարածքում SPF-ի անդամների բոլոր հաշիվները և կարգելի իր քաղաքացիներին օգնություն ցուցաբերել խմբավորմանը:
SPF խմբավորման անդամները 2010 թ. վերջին ինքնաշեն ականներով ծանրոցներ էին ուղարկել Հունաստանի օտարերկրյա դեսպանատներին և օտարերկրյա պետության առաջնորդներին: Մասնավորապես այդպիսի ծանրոց էր ստացել Գերմանիայի կանցլեր ԱՆգելա Մերկելը, Իտալիայի վարչապետ Սիլվիո Բեռլուսկոնին:
Հարկ է նշել, որ սկզբնապես SPF-ը «մասնագիտացած էր» հրկիզումների մեջ, սակայն 2009 թ. մայիսից կազմակերպության ակտիվիստները սկսեցին օգտագործել փոքր հզրությամբ ականներ Հունաստանի պետական մարմինների շենքերի առաջ պայթյուններ կազմակերպելու համար:
