ՆԳՆ ոստիկանությունը ներկայացրել է օպերատիվ իրավիճակը հանրապետությունում հունիսի 3-ից 4-ը: Բացահայտվել է 146 հանցագործություն, որոնցից 5-ը՝ նախկինում կատարված:
Մասնավորապես, բացահայտվել է.
53 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու.
18 դեպք՝ ֆիզիկական ներգործության.
10 դեպք՝ մարմնական վնասվածք պատճառելու.
9 դեպք՝ թմրանյութի հայտնաբերման.
8 դեպք՝ փաստաթղթեր կեղծելու.
7 դեպք՝ խարդախության.
4-ական դեպք՝ հոգեկան ներգործության, անձնական ունեցվածքի գողության, թմրանյութի իրացման.
3-ական դեպք՝ գույքը ոչնչացնելու կամ վնասելու, սառը զենք կրելու.
2-ական դեպք՝ շորթման, խուլիգանության։
Բացահայտվել է խոշտանգման, բնակարանային գողության, զենք-զինամթերքի առգրավման, բնակարանի անձեռնմխելիությունը խախտելու, աշխատանքի պաշտպանության կանոնները խախտելու, սուտ մատնության, հետամտելու, ընդերքի պահպանման կամ օգտագործման պահանջները խախտելու, ընտրական կամ հանրաքվեին մասնակցելու իրավունքների կամ պարտականությունների իրականացմանը խոչընդոտելու, ընտրակաշառք ստանալու և այլ դեպքեր։
Նախկինում կատարված հանցագործություններից բացահայտվել է․
3 դեպք՝ անձնական ունեցվածքի գողության,
1-ական դեպք՝ շորթման, ավազակության։
Հայտնաբերվել է 12 հետախուզվող, կամավոր ներկայացել է 5 հետախուզվող։
Անցած 1 օրում գրանցվել է 11 ավտովթար․1 մարդ զոհվել է, 11-ը՝ ստացել տարբեր աստիճանի մարմնական վնասվածքներ։
