Վարչապետ Մարկ Քարնին կարծում է, որ հանրաքվեի անցկացումը Կանադայից Ալբերտայի նահանգի անջատման վերաբերյալ օգտակար չէ: Այս մասին հաղորդում է The Globe and Mail-ը:
«Օգտակա՞ր է արդյոք նման հիմնարար հարցեր տալ: Իհարկե, ոչ: Արդյո՞ք դա Ալբերտայի բնակիչների ժողովրդավարական կամքն է, արդյո՞ք նրանք քվեարկել են դրա համար վերջին նահանգային ընտրություններում: Ոչ, չեն քվեարկել», – նշել է նա:
Քարնին հավելել է, որ մտադիր է արշավ անցկացնել, որպեսզի նահանգը մնա Կանադայի կազմում, քանի որ «միասին մենք, անկասկած, ավելի ուժեղ ենք»:
Անցյալ շաբաթ Ալբերտայի նահանգապետ Դանիել Սմիթը հայտարարել էր, որ հոկտեմբերի 19-ին կայանալիք հանրաքվեի ընթացքում Ալբերտայի բնակիչներին կհարցնեն՝ արդյոք նահանգը պետք է մնա Կանադայի կազմում, թե նահանգի կառավարությունը պետք է սկսի Կանադայի սահմանադրությամբ պահանջվող իրավաբանական գործընթաց, որպեսզի անցկացնի նահանգային հանրաքվե Կանադայից անջատվելու հարցի շուրջ։
Ալբերտան Կանադայի կազմ է մտել 1905 թվականին։ 1940-ականներին տարածաշրջանում հայտնաբերել են նավթի մեծ պաշարներ, սակայն ըստ որոշ ալբերտացիների՝ դաշնային կառավարությունը խոչընդոտել է նավթագազային արդյունաբերությանը՝ հօգուտ կլիմայի հետ կապված օրենսդրության։
