Samsung ընկերությունը հետաձգել է հոկտեմբերի 11-ին պլանավորված՝ Google-ի հետ համատեղ մամուլի ասուլիսը: Ասուլիսի ժամանակ նախատեսվում էր ներկայացնել Google Android պլատֆորմի հիման վրա առաջին սմարթֆոնը: Այս մասին հայտնում է Stuff կայքը` հղում կատարելով Samsung ընկերության ներկայացուցիչներին:
Համաձայն ԶԼՄ-ներում տարածված լուրերի` նոր սմարթֆոնը ստեղծվելու է հատուկ Google-ի համար և շուկա դուրս կգա Galaxy Nexus ֆիրմային անվամբ: Նշենք, որ Google-ի համար Samsung ընկերությունն արտադրել էր Nexus-ի նախորդ մոդելներից մեկը:
Սպասվում է, որ Samsung Galaxy Nexus-ը կկիրառվի Ice Cream Sandwich կոդային անվանմամբ` Android օպերացիոն համակարգի նոր տարբերակի անոնսի համար:
Ice Cream Sandwich-ը համակարգը կդարձնի ունիվերսալ, և հնարավոր կլինի այն կիրառել ցանկացած տիպի սարքավորումների վրա:
Ներկայումս Google-ը մշակում է Android-ի երկու տարբերակներ, որոնցից մեկը` Gingerbread-ը, նախատեսված է սմարթֆոնի , իսկ մյուսը` Honeycomb-ը, պլանշետային համակարգիչների համար:
Հիշեցնենք, որ օգոստոսի կեսերին ամբողջ աշխարհում ակտիվացվել են ավելի քան 150 միլիոն սարքավորումներ՝ Android-ի հիմքի վրա, որոնցից ամենատարածվածը համաշխարհային շուկայում սմարթֆոններն են: