ԱՄՆ առաջին տիկին Միշել Օբաման հաջորդ շաբաթ կհայտնվի Գինեսի ռեկորդների գրքում:
Ինչպես հաղորդում է Associated Press-ը, Օբաման պատրաստվում է Սպիտակ տան Հարավային մարգագետնում կազմակերպել բացառիկ ակցիա. 100-ավոր երեխաներ և ամբողջ աշխարհում 20 հազար մարդ ԱՄՆ առաջին տիկնոջ գլխավորությամբ կցատկեն «ցատկող Ջեքի» ոճով (բացված ձեռքերով և ոտքերով թռիչք):
Գինեսի գրքի ներկայացուցիչների խոսքերով` իրենք պատրաստվում են ռեկորդ գրանցել, երբ աշխարհի հազարավոր մարդիկ մոտ 1 րոպե ցատկեն նշված ոճով, իսկ Միշել Օբաման ամենաակտիվ մասնակցությունը կունենա դրան:
Ցատկող Ջեքի վարժությունը տարածված է ԱՄՆ բանակում: Այդ վարժության նպատակն է զարգացնել զինվորների ֆիզիկական ուժը:
