Իրանի խորհրդարանի էներգետիկայի հանձնաժողովի անդամ Էմադ Հուսեյնին Իրանի խորհրդարանի լրատվական կայքի հետ զրույցում հայտարարել է, թե վերջին հաշվեքննության արդյունքում պարզվել է, որ կառավարությունը մեծ խախտում է կատարել և երկրի նավթի վաճառքից գոյացած 12.1 միլիարդ դոլարը չի մուծել պետական գանձարան:
Հուսեյնիի փոխանցմամբ՝ Իրանի ազգային գազարդյունաբերության ընկերությունն էլ գոյացած շահույթից ավելի քան 554 միլիոն դոլարը չի մուծել պետական գանձարան:
Ինչպես արդեն տեղեկացրել է «Առաջին լրատվականը», օրեր առաջ Իրանի բանկային համակարգում էլ բացահայտվել էր մոտ 3 միլիարդ դոլարի հասնող կոռուպցիա, որի արդյունքում իրանական երեք բանկերի տնօրենները ազատվել են պաշտոնից:
