Ադրբեջանական ANS PRESS-ը, վկայակոչելով երկրի պետական վիճակագրական կոմիտեին, հայտնում է, որ ադրբեջանցիների կյանքի միջին տևողությունը կազմում է 73.6 տարի։
Նշվում է, որ 1989 թվականին Ադրբեջանում գրանցված է եղել 2639 երկարակյաց, որոնց ճնշող մեծամասնությունը եղել են կանայք։ Իսկ ժամանակին լեգենդներ էին պտտվում ադրբեջանցի Շիրալի Մուսլիմովի մասին, որը ապրել է 168 տարի (1805-1973)։
2007 թվականի ՄԱԿ-ի հաշվետվության համաձայն՝ Ադրբեջանում միջին տարիքը կազմել է 70 տարի։ Ադրբեջանի պետական վիճակագրական կոմիտեի տվյալներով՝ նույն ժամանակահատվածում Ադրբեջանում միջին տարիքը տղամարդկանց համար կազմել է 69, իսկ կանանց համար՝ 72 տարի։
Ներկայումս Ադրբեջանի բնակչությունը կազմում է 9,169,400 մարդ, որից 4,546,000-ը՝ տղամարդիկ, իսկ 4,623,400-ը՝ կանայք։ Պետական վիճակագրական կոմիտեի տվյալներով՝ 2010 թվականին կյանքի միջին տևողությունն Ադրբեջանում կազմել է 73.6 տարի, ընդ որում՝ տղամարդկանց մեջ այդ ցուցանիշը կազմել է 70.9 տարի, իսկ կանանց մեջ՝ 76.3 տարի։
