«Ալ-Քաիդա» ահաբեկչական խմբավորումը մեղադրել է Իրանի նախագահ Մահմուդ Ահմադինեժադին սուտ տեղեկություններ տարածելու մասին, համաձայն որոնց՝ 2001 թ. սեպտեմբերի 11-ին Նյու Յորքի երկվորյակ երկնաքերերի փլուզման պատճառը ոչ թե ահաբեկիչների գործողություններն էին, այլ ԱՄՆ իշխանությունների իրականացրած գործողությունները:
«Ալ-Քաիդան» հոդված է տպել ահաբեկիչներին պատկանող Inspire անգլալեզու ամսագրում` նշելով, որ «Թեհրանը պայքարում է ահաբեկչական խմբավորման հետ ամբողջ աշխարհում ճնշված ահաբեկիչների սրտերն ու միտքը շահելու համար»: Հոդվածում նաև ասվում է, որ ահաբեկիչներին հաջողվել է անել այն, ինչ չի հաջողվել Իրանին, որի պատճառով նրանց մոտ նախանձ է առաջացել: «Այդ պատճառով է իրանցիներին պետք վարկաբեկել սեպտեմբերի 11-ը»,- ասվում է հոդվածում:
Ահմադինեժադը իր այս միտքը հայտնել է` ելույթ ունենալով ՄԱԿ-ի Անվտանգության խորհրդում: Նա նշել էր, որ ինքը մասնագիտությամբ ճարտարապետ է և գիտի, որ երկնաքերերը չէին կարող միայն ինքնաթիռների հարվածից փլուզվել: Դրանում նա մեղադրել էր ԱՄՆ իշխանություններին, որոնք, ըստ նրա, հետագայում դրանով Իրաքի և Աֆղանստանի դեմ պատերազմներն են արդարացրել:
