Տեղափոխվենք ռուս-ուկրաինական ճակատ։ Երեկ ուշ երեկոյան տեղեկություններ էին տարածվում ռուսական զորքերի վերահսկողության տակ անցած Զապորոժիեի ատոմակայանում բռնկված հրդեհի մասին։
Վաղ առավոտյան հայտնի դարձավ, որ կայանի հովացման աշտարակի հրդեհը վերջնականապես մարվել է։
Ռուսական կողմը պնդում է, որ հրդեհը տեղի է ունեցել ուկրաինական անօդաչու թռչող սարքի հարվածի հետևանքով, ուկրաինական կողմը պնդում է, որ հրդեհի պատճառը կայանի անձնակազմի կողմից անվտանգության կանոնների չկատարումն է։
Երկուստեք վստահեցնում են, որ հրդեհի հետեւանքով ճառագայթման արտահոսք չկա։
