Թունիսի զինված ուժերի ստորաբաժանումները մարտեր են սկսել Լիբիայի հետ սահմանագծի վրա հայտնված անհայտ զինյալների դեմ: Այս մասին հայտնում է «Ռիա Նովոստի»-ն` հղում անելով Թունիսի լրատվամիջոցների տարածած հայտարարությանը:
Նախնական տեղեկությունների համաձայան` մարտերն ընթանում են Թունիսի հարավային շրջանների և Լիբիայի արևմտյան սահմանի մոտ` անապատում: Զոհերի կամ վիրավորների մասին առայժմ որևէ տեղեկություն չի հաղորդվում:
Հիշեցնենք, որ վերջին ամիսներին Լիբիայի ապստամբները բազմիցս խախտել էին Թունիսի հետ սահմանը: Վերջին նման միջադեպը գրանցվել էր Տրիպոլիի գրավման ժամանակ: Սակայն առայժմ հայտնի չէ, թե ինչ ուժերի հետ է փոխհրաձգության մեջ մտել Թունիսի բանակը:
