Ժամանակավոր կառավարության զորամիավորումները, որոնք ձևավորվել ապստամբական ուժերից, հերթական անգամ հետ են մղվել Բանի Վալիդ քաղաքից, որը գտնվում է Քադաֆիին հավատարիմ ուժերի վերահսկողության տակ: Ապստամբների զինվորական ղեկավար Զաքարիա Թուհամն ասել է, որ իրենց գործողություններում անկազմակերպվածություն է նկատվում, քանի որ գրոհում են միանգամից մի քանի ուղղություններով:
«Մեր հրամանատարներն ասել էին, որ ծանր հրետանին գտնվում է առջևում, սակայն երբ մենք շարժվեցինք դեպի Բանի Վալիդ, դրանք այնտեղ չէին»,- հավելել է նա: Այլ աղբյուրներ նույնպես արձանագրում են անհամաձայնություն Լիբիայի տարբեր շրջաններից այստեղ ժամանած ապստամբների գործողություններում: Բացի այդ, ապստամբները գրոհում են Քադաֆիի հայրենի Սիրթ քաղաքի վրա. «Իրավիճակը բավական վտանգավոր է: Այստեղ շատ դիպուկահարներ կան, նրանք կրակում են զենքի բոլոր տեսակներից, որ հնարավոր է պատկերացնել»,- ասել է Քադաֆիի հակառակորդներից Մուհամադ Աբդուլլահը: Այս մասին հաղորդում է Reuters գործակալությունը:
