WikiLeaks կայքը պատրաստվում է որոշակի գումար աշխատել իր հիմնադրի` Ջուլիան Ասանժի իրերի վաճառքի արդյունքում: Ինչպես գրում է The New York Times-ը, eBay աճուրդների կայքում վաճառքի են հանված մոտ 10 իրեր, որոնց մեջ է սուրճի մի փաթեթ, որն Ասանժը վերցրել է իր հետ այն բանտից, որտեղ մի քանի օր անցկացրել է անցած տարվա դեկտեմբեր ամսին:
Վաճառվում է նաև այն համակարգիչը, որի վրա աշխատել է Ասանժը` ամերիկյան դիվանագիտական գաղտնի նամակագրությունը գաղտնազերծելիս: Սուրճի փաթեթի նախնական գինը 315 դոլար է, իսկ համակարգչինը` կես միլիոն: Այս քայլով WikiLeaks-ը փորձում է գումարներ ներգրավել` իր գործունեությունը շարունակելու համար: