Նոյեմբերի 23-ին վրաերթ է տեղի ունեցել Արմավիրի մարզում: Ժամը 18:30-ի սահմաններում Արմավիրի մարզի բնակիչ 27-ամյա Կարեն Ե.-ն իր վարած Mercedes մակնիշի ավտոմեքենայով Արմավիր քաղաքի Երևանյան փողոցում՝ «Մեր տուն» ռեստորանային համալիրի դիմաց, վրաերթի է ենթարկել հետիոտն, Արմավիրի մարզի բնակիչ 11-ամյա Հրաչ Մ.-ին:
Ինչպես հայտնում է Shamshyan․com-ը, վարորդը փախուստի չի դիմել, օգնել է օպերատիվորեն ժամանած բժիշկներին երեխային տեղափոխել «Արմավիր» բժշկական կենտրոն: Վրաերթի փաստով քննչական վարչությունում նախաձեռնվել է քրեական վարույթ: Վարորդը ենթարկվել է սթափության փորձաքննության, եղել է սթափ: