Ալիևի այսօրվա հայտարարությունը ամրապնդում է այն միտքը, որ արևմտյան հարթակում ստանալով իր ուզածը, այն սպառված է համարում։ «Առաջին լրատվական»-ի հետ զրույցում նշեց Արդար Հայաստան կուսակցության նախագահ Նորայր Նորիկյանը։
Նորիկյանի խոսքով՝ Ալիևը անոնսավորում է, որ խաղաղության պայմանագրի կնքման միջնորդը հանդիսանալու է ՌԴ-ն. «Ադրբեջանի և ՌԴ-ի միջև փոխկապակցված համագործակցություն է։ Ադրբեջանի աշխարհաքաղաքական գինը ՌԴ-ի համար բարձրացել է։ Իշխանության վարած քաղաքականության հետևանքով Հայաստանը հայտնվեց աշխարհաքաղաքական ծուղակում։ Փաշինյանի ռևերանսները ոչ միայն ուշացած են, այլ նաև անլուրջ։ Փաշինյանն արձանագրեց՝ արտաքին քաղաքական վեկտորի փոփոխություն չի լինելու։ Տպավորություն էր՝ մի բան էլ Փաշինյանը մուննաթ էր գալիս նաև կուսակիցների վրա՝ ինչ վեկտորի փոփոխություն։ Եթե Փաշինյանը վեկտորի փոփոխության չէր գնում, այդ արևմտյան դեգերումները ինչի համար էին»։
