Playboy ամսագրի հիմնադիր Հյու Հեֆները որոշել է նվազեցնել ամսագրի հոկտեմբեր ամսվա համարի գինը` մինչև 60 ցենտ, քանի որ այդ ամիս լրանում է Playboy Club-ի հիմնադրման 50-ամյակը: Ամսագիրը նմանեցվել է 1961 թ. լույս տեսած ամսագրին: Այս մասին հաղորդում է Associated Press գործակալությունը:
Ամսագրի գլխավոր խմբագիր Ջիմմի Ջելինեկն ասել է, որ հոկտեմբերի համարի գովազդային տարածքն ավելացել է70%-ով` 2010 թվականի համեմատ: Բացի այդ, ամսագիրը գրավել է նորաձևության և զվարճանքների ոլորտի գովազդատուների ուշադրությունը:
Հիշեցնենք, որ ամսագիրը հիմնադրվել է 1953 թ., 1970-ականներին այն վաճառվել է 7 միլիոն տպաքանակով: Այժմ, երբ ինտերնետը կտրուկ կրճատում է տպագիր մամուլի տպաքանակները, այն հասել է 1.5 միլիոնի:
