Սերբիայի վարչապետ Աննա Բաբիչը վստահ չէ 2030 թվականին Եվրամիությանը լիիրավ անդամակցություն ստանալու հնարավորության հարցում: Այս մասին հայտնում է «ՌԻԱ նովոստի»-ն:
Սլովենիայում անցկացվում է ամենամյա ռազմավարական համաժողովը՝ Արևմտյան Բալկանների և ԵՄ երկրների ղեկավարության մասնակցությամբ: Եվրախորհրդի ղեկավար Շառլ Միշելը քննադատել է Եվրամիության դանդաղկոտությունը նոր անդամներ ընդունելու հարցում, մասնավորապես, բալկանյան պետությունների: Նա կոչ է արել համապատասխան ժամանակացույց սահմանել և պատրաստ լինել ընդլայնման նոր ալիքին 2030 թվականին:
«Մենք նախկինում լսել ենք ԵՄ ընդլայնման ռազմավարության մեջ 2025 թվականը, հիմա արդեն հասել ենք 2025-ին, հիմա լսում ենք 2030 թվականը»,-ասել է Բրնաբիչը սերբ լրագրողներին։
Նա նշել է, որ չէր ցանկանա եվրասկեպտիկի և հոռետեսի նման հնչել, բայց վերջին երկու տարիներին, բացի Բոսնիա և Հերցեգովինայի կողմից թեկնածուի կարգավիճակ ստանալուց, տարածաշրջանի երկրները չեն մոտեցել ԵՄ-ին անդամակցությանը:
«Սերբիայում օտարերկրյա ներդրումների 65-70 տոկոսը ԵՄ երկրներից է, կախված տարվանից մեր արտահանման 65-70 տոկոսը գնում է ԵՄ և 18 տոկոսը ՝ Արևմտյան Բալկանների տարածաշրջան: Ուստի մեր առաջնահերթությունները պետք է մնան ԵՄ-ն և տարածաշրջանը: Եթե ոչ ուրիշի պատճառով, ապա արժեքների, օրենքի գերակայության, կայունության, խաղաղության, բարեկեցության և ուղեկցող ամեն ինչի պատճառով: Չգիտեմ ՝ 2030 թվականն է, թե ավելի ուշ, մենք Բրյուսելի հետ պետք է աշխատենք կոնկրետ քայլերի վրա», – նշել է Սերբիայի կառավարության ղեկավարը:
