ՀՅԴ պաշտոնական կայքը տեղեկություն է հրապարակել, ըստ որի՝ Ֆրանսիայի նախագահ Էմանուել Մակրոնը Մարսել եռօրյա այցելության ժամանակ հանդիպում ունեցավ տեղի ազդեցիկ տարբեր շրջանակների, այդ թվում՝ հայ համայնքի հետ։ Ըստ այդ հաղորդագրության՝ Մակրոնն ասել է․ «Ես Ալիևի վրա ավելի շատ ճնշում եմ գործադրել և գործադրում, քան նույն ինքը՝ Փաշինյանը: Ես Արցախի հարցով միակն եմ, որ հստակ կեցվածք ու պատգամ ունեմ»:
Ֆրանսիայի հայկական կազմակերպությունները համակարգող խորհրդի համանախագահ (CCAF), «Nouvelles d’Arménie» ամսագրի խմբագիր Արա Թորանյանը «Առաջին լրատվական»-ի հետ զրույցում շեշտեց, որ Մակրոնին մի քանի անգամ տեսել է, երբևէ չի լսել, որ վատ արտահայտվի Փաշինյանի մասին. «Զարմանում եմ և չեմ հավատում, որ Մակրոնը նման բան կասեր»: